Turinning "Yuventus" klubi bilan o‘yindan so‘ng, Milanning "Inter" klubi sardori Lautaro Martines alam bilan bir necha so‘z aytdi, keyinchalik bu haqoratli deb baholandi.
Il Messagero nashrining xabar berishicha, endilikda Lautaro diskvalifikasiya xavfi ostida turibdi, chunki Italiya federal prokuraturasi ushbu muammo bo‘yicha ish ochgan. Hozirda prokurorlar argentinalik hujumchi aynan nima deganini aniqlashga harakat qilmoqda.
"Bu haqda ko‘p gapirishadi va bu mening g‘ashimga tegadi. Men so‘kindim, lekin hech kimni haqorat qilmadim. Maydonda hammaga hurmat bilan munosabatda bo‘lishga harakat qilaman. Xuddi shu narsani farzandlarimga ham singdirmoqchiman," - dedi Lautaro "Jenoa"ga qarshi o‘yindan keyin.
Agar u oxir-oqibat aybdor deb topilsa, bir turga diskvalifikasiya qilinishi mumkin.
