Туриннинг "Ювентус" клуби билан ўйиндан сўнг, Миланнинг "Интер" клуби сардори Лаутаро Мартинес алам билан бир неча сўз айтди, кейинчалик бу ҳақоратли деб баҳоланди.
Il Messagero нашрининг хабар беришича, эндиликда Лаутаро дисквалификация хавфи остида турибди, чунки Италия федерал прокуратураси ушбу муаммо бўйича иш очган. Ҳозирда прокурорлар аргентиналик ҳужумчи айнан нима деганини аниқлашга ҳаракат қилмоқда.
"Бу ҳақда кўп гапиришади ва бу менинг ғашимга тегади. Мен сўкиндим, лекин ҳеч кимни ҳақорат қилмадим. Майдонда ҳаммага ҳурмат билан муносабатда бўлишга ҳаракат қиламан. Худди шу нарсани фарзандларимга ҳам сингдирмоқчиман," - деди Лаутаро "Женоа"га қарши ўйиндан кейин.
Агар у охир-оқибат айбдор деб топилса, бир турга дисквалификация қилиниши мумкин.
