Londonning "Arsenal" klubiga tegishli bo‘lgan markaziy himoyachi Vilyam Saliba Ispaniya chempionatiga ko‘chib o‘tishi mumkin. Bu haqda "Todofichajes" portali sahifalarida ma’lum qilindi.
Manbaga ko‘ra, 23 yoshli futbolchini himoyada muammolarga duch kelayotgan Madridning "Real" klubi o‘z safiga qo‘shib olmoqchi. Salibaning ehtimoliy transferi 80 million yevroga baholanmoqda. Fransuz va "kanonirlar" o‘rtasidagi amaldagi mehnat shartnomasi muddati 2027 yil iyun oyi oxirida tugaydi.
Himoyachi Angliya chempionatining joriy mavsumida 25 ta o‘yin o‘tkazdi. Saliba ikkita gol urdi, ikkita sariq kartochka oldi va bir marta maydondan chetlatildi.
