"Pari Sen-Jermen" klubida maslahatchi lavozimida ishlab kelayotgan Luish Kampush ish joyini o‘zgartirishi mumkin.
60 yoshli funksioner yaqin kelajakda ketish imkoniyatini jiddiy ko‘rib chiqmoqda. Jurnalist Dankan Kastlzning ma’lum qilishicha, portugaliyalik funksionerga Londonning "Arsenal" klubi ish taklif qilmoqda: Mikel Arteta uni sport direktori lavozimidagi Edu Gasparning vorisi sifatida ko‘rmoqda. Bundan tashqari, Kampush "Chelsi" xo‘jayinlari va Saudiya Arabistoni chempionati vakillari bilan muzokaralar olib bormoqda.
Luish Kampush 2022 yilning yozidan buyon "PSJ"da ishlab kelmoqda, uning fransuz grandi bilan amaldagi shartnomasi joriy mavsum yakunlangach o‘z nihoyasiga yetadi.













