Madridning "Real" klubi sobiq hujumchisi Predrag Miyatovich Luka Modrichning jamoadagi kelajagiga baho berdi.
"Modrich yozda muddati tugaydigan shartnomani uzaytirishga, klubni tark etishga qaraganda yaqinroq, deb o‘ylayman. Luka juda foydali moliyaviy takliflar olganiga qaramay, "Madrid"da qolishni xohlayotganini allaqachon ko‘rsatdi.
Modrich chindan ham 2026 yilgi Jahon chempionatida ishtirok etishni maqsad qilgan, shu bois u uchun yuqori raqobatbardosh jamoa safida o‘ynashni davom ettirish muhimdir", - dedi Miyatovich.













