Myunxenning "Bavariya" klubi yarim himoyachisi Yozua Kimmix Ispaniya chempionatiga ko‘chib o‘tishi mumkin. «Todofichajes» sahifalarida yozilishicha, 30 yoshli futbolchining xizmatlariga "Real Sosyedad" qiziqish bildirmoqda.

Ispanlar Kimmixni tekinga qo‘lga kiritmoqchi, chunki futbolchining nemis grandi bilan shartnomasi iyun oyi oxirida tugaydi. "Real Sosyedad" Yozua nomzodini yozgi transfer oynasida jamoani tark etishi mumkin bo‘lgan Martin Subimendi o‘rniga ko‘rib chiqmoqda.

Kimmix joriy mavsum Bundesligada 23 ta o‘yin o‘tkazib, 1 ta gol urdi va 5 ta golli uzatmani amalga oshirdi. Myunxen grandi sharafini xavbek 2015 yilning yozidan buyon himoya qilib kelmoqda.