Мюнхеннинг "Бавария" клуби ярим ҳимоячиси Йозуа Киммих Испания чемпионатига кўчиб ўтиши мумкин. «Todofichajes» саҳифаларида ёзилишича, 30 ёшли футболчининг хизматларига "Реал Сосьедад" қизиқиш билдирмоқда.
Испанлар Киммихни текинга қўлга киритмоқчи, чунки футболчининг немис гранди билан шартномаси июнь ойи охирида тугайди. "Реал Сосьедад" Йозуа номзодини ёзги трансфер ойнасида жамоани тарк этиши мумкин бўлган Мартин Субименди ўрнига кўриб чиқмоқда.
Киммих жорий мавсум Бундеслигада 23 та ўйин ўтказиб, 1 та гол урди ва 5 та голли узатмани амалга оширди. Мюнхен гранди шарафини хавбек 2015 йилнинг ёзидан буён ҳимоя қилиб келмоқда.
