2 mart kuni "Humo Arena"da xokkey bo‘yicha Qozog‘iston chempionati pley-off chorak final seriyasining beshinchi o‘yini bo‘lib o‘tdi.

Unda vakillarimiz 5:1 hisobidagi ishonchli g‘alabani qo‘lga kiritib, turnirdagi to‘rtinchi g‘alabani qo‘lga kiritishdi va yarim finalga yo‘l olishdi. Uchrashuv ko‘plab gollar, kuch ishlatish usullari va hissiy to‘qnashuvlarga boy bo‘ldi, bularning barchasi tomoshabinlarning ushbu sport turini juda yaxshi ko‘rishiga sabab bo‘ldi.

Ma’lumot o‘rnida. "Humo" 18 va 20 fevral kunlari Toshkentda o‘tkazilgan 2 ta o‘yinda g‘alaba qozongan bo‘lsa, 24 va 26 fevral kunlari bo‘lib o‘tgan safarda o‘yinda bir g‘alaba va bir durang qayd etgandi.

Endi «Humo» yarim final seriyasida Ust-Kamenogorskning «Torpedo» jamoasi bilan kuch sinashadi. Dastlabki ikki o‘yin 14 va 16 mart kunlari raqib maydonida, javob o‘yinlari esa 20 va 22 mart kunlari Toshkentda bo‘lib o‘tadi.

"Torpedo" muntazam chempionatda 2-o‘rinni egallagan bo‘lsa, "Humo" 3-o‘rinni band etgandi. Ammo har ikki jamoa bir xil  58 ochko to‘pladi. Muntazam chempionatda bu jamoalar o‘zaro 4 marta to‘qnash kelishgan. Unda qozog‘istonliklar 3 marta g‘alaba qozonishgan bo‘lsa, bir o‘yinda toshkentliklar ustun kelishgan.