2 март куни "Ҳумо Арена"да хоккей бўйича Қозоғистон чемпионати плей-офф чорак финал сериясининг бешинчи ўйини бўлиб ўтди.

Унда вакилларимиз 5:1 ҳисобидаги ишончли ғалабани қўлга киритиб, турнирдаги тўртинчи ғалабани қўлга киритишди ва ярим финалга йўл олишди. Учрашув кўплаб голлар, куч ишлатиш усуллари ва ҳиссий тўқнашувларга бой бўлди, буларнинг барчаси томошабинларнинг ушбу спорт турини жуда яхши кўришига сабаб бўлди.

Маълумот ўрнида. "Ҳумо" 18 ва 20 февраль кунлари Тошкентда ўтказилган 2 та ўйинда ғалаба қозонган бўлса, 24 ва 26 февраль кунлари бўлиб ўтган сафарда ўйинда бир ғалаба ва бир дуранг қайд этганди.

Энди «Ҳумо» ярим финал сериясида Уст-Каменогорскнинг «Торпедо» жамоаси билан куч синашади. Дастлабки икки ўйин 14 ва 16 март кунлари рақиб майдонида, жавоб ўйинлари эса 20 ва 22 март кунлари Тошкентда бўлиб ўтади.

"Торпедо" мунтазам чемпионатда 2-ўринни эгаллаган бўлса, "Ҳумо" 3-ўринни банд этганди. Аммо ҳар икки жамоа бир хил  58 очко тўплади. Мунтазам чемпионатда бу жамоалар ўзаро 4 марта тўқнаш келишган. Унда қозоғистонликлар 3 марта ғалаба қозонишган бўлса, бир ўйинда тошкентликлар устун келишган.