La Liga 26-turidan o‘rin olgan "Vilyarreal" - "Espanyol" uchrashuvi o‘tkazilmaydi, deya xabar bermoqda "Vilyarreal" matbuot xizmati.
"Xavfsizlikni ta’minlash bo‘yicha tavsiyalarga ko‘ra, Kastelyon provinsiyasidagi hozirgi ob-havo sharoiti tufayli suv toshqini xavfi tufayli musobaqa rasmiylari "Vilyarreal" va "Espanyol" o‘rtasidagi bugungi o‘yinni boshqa kunga ko‘chirishga qaror qildi," - deyiladi jamoa bayonotida.
Uchrashuv "Vilyarreal"ning o‘z uyida, tungi soat 01:00da bo‘lib o‘tishi kerak edi. Kastelyon viloyatida kuchli yomg‘ir yog‘moqda.
Uchrashuvning yangi sanasi keyinroq e’lon qilinadi.
