Ла Лига 26-туридан ўрин олган "Вильярреал" - "Эспаньол" учрашуви ўтказилмайди, дея хабар бермоқда "Вильярреал" матбуот хизмати.
"Хавфсизликни таъминлаш бўйича тавсияларга кўра, Кастельон провинциясидаги ҳозирги об-ҳаво шароити туфайли сув тошқини хавфи туфайли мусобақа расмийлари "Вильярреал" ва "Эспаньол" ўртасидаги бугунги ўйинни бошқа кунга кўчиришга қарор қилди," - дейилади жамоа баёнотида.
Учрашув "Вильярреал"нинг ўз уйида, тунги соат 01:00да бўлиб ўтиши керак эди. Кастельон вилоятида кучли ёмғир ёғмоқда.
Учрашувнинг янги санаси кейинроқ эълон қилинади.
