"Manchester Siti" "Aston Villa"ning 23 yoshli chap qanot vingeri Jeykob Remsiga qiziqish bildirmoqda. Bu haqda «TBR Football» xabar bermoqda.

Manbaga ko‘ra, "shaharliklar" angliyalik futbolchining o‘sishidan juda hayratda va uni Birmingem klubiga qaytishi mumkin bo‘lgan 29 yoshli Jek Grilishga o‘rinbosar sifatida ko‘rmoqda. Ta’kidlanishicha, "Aston Villa" Remsining transfer qiymatini 50 mln funtdan (59,5 mln yevro) ko‘proqqa baholamoqda.

Remsi joriy mavsum barcha musobaqalarda 32 ta o‘yinda maydonga tushib, 3 ta gol va 4 ta assistni o‘z hisobiga yozdirib qo‘ydi.