"Bavariya" Germaniya chempionatining 25-turida o‘z maydonida "Boxum"ni qabul qildi. O‘yin 3:2 hisobida mehmonlarning g‘alabasi bilan yakunlandi.

Uchrashuvning 14-daqiqasida "Bavariya" himoyachisi Rafael Gerreyru hisobni ochdi. 22-daqiqada myunxenliklar vingeri Serj Gnabri penaltidan unumli foydalana olmadi. 28-daqiqada Gerreyru dubl qayd etib, jamoasining ikkinchi goliga mualliflik qildi. Uchrashuvning 31-daqiqasida "Boxum" himoyachisi Yakov Medich farqni bitta to‘pga qisqartirdi. Uchrashuvning 43-daqiqasida "Bavariya" tayanch yarimhimoyachisi Joau Palinya to‘g‘ridan-to‘g‘ri qizil kartochka olib, jamoasini kamchilikda qoldirdi. 51-daqiqada "Boxum" yarim himoyachisi Ibraima Sissoko hisobni tenglashtirdi. 71-daqiqada mehmonlar xavbeki Matush Bero "Boxum"ni hisobda oldinga olib chiqdi - 3:2.

"Bavariya" 25 o‘yinda 61 ochko to‘plagan holda Germaniya chempionati turnir jadvalida 1-o‘rinda qoldi. "Boxum" 20 ochko bilan 16-pog‘onada joylashgan.