"Бавария" Германия чемпионатининг 25-турида ўз майдонида "Бохум"ни қабул қилди. Ўйин 3:2 ҳисобида меҳмонларнинг ғалабаси билан якунланди.
Учрашувнинг 14-дақиқасида "Бавария" ҳимоячиси Рафаэль Геррейру ҳисобни очди. 22-дақиқада мюнхенликлар вингери Серж Гнабри пенальтидан унумли фойдалана олмади. 28-дақиқада Геррейру дубль қайд этиб, жамоасининг иккинчи голига муаллифлик қилди. Учрашувнинг 31-дақиқасида "Бохум" ҳимоячиси Яков Медич фарқни битта тўпга қисқартирди. Учрашувнинг 43-дақиқасида "Бавария" таянч яримҳимоячиси Жоау Палинья тўғридан-тўғри қизил карточка олиб, жамоасини камчиликда қолдирди. 51-дақиқада "Бохум" ярим ҳимоячиси Ибраима Сиссоко ҳисобни тенглаштирди. 71-дақиқада меҳмонлар хавбеки Матуш Беро "Бохум"ни ҳисобда олдинга олиб чиқди - 3:2.
"Бавария" 25 ўйинда 61 очко тўплаган ҳолда Германия чемпионати турнир жадвалида 1-ўринда қолди. "Бохум" 20 очко билан 16-поғонада жойлашган.
