Navbatdagi hafta, navbatdagi xatolik – bu safar Edersonning xato qilishi "Manchester Siti"ning mag‘lubiyatiga olib keldi. Va bu eng noqulay paytda sodir bo‘ldi: 83-daqiqada Kallum Hadson-Odoining zarbasi uning yaqin ustuni orqali o‘tib ketdi va "Nottingem Forest" chempionlarga qarshi 1:0 hisobida g‘alaba qozondi.  

Ederson uchun bu juda alamli vaziyat edi, chunki ikkinchi bo‘limda u Hadson-Odoining burchakka yo‘llagan zarbasini qaytarib, ajoyib seyv amalga oshirgan edi.

"Siti" bu mag‘lubiyat uchun uzr keltira olmaydi, chunki ular Nuno Espiritu Santuning jamoasiga qarshi ko‘p imkoniyat yarata olmadi. Erling Holand o‘yinda deyarli ko‘rinmadi, Fil Foden esa qattiq asabiylashdi. "Forest" esa bu g‘alaba bilan uchinchi o‘rindagi pozisiyasini mustahkamlab, Chempionlar Ligasiga chiqish imkoniyatlarini oshirdi. "Siti" esa mavsumdagi to‘qqizinchi mag‘lubiyatidan keyin chempionlik poygasida qiyin ahvolga tushib qoldi.  

"Manchester Siti" o‘yinchilarining baholari  

Darvozabon va himoyachilar  

Ederson (4/10):  
Hadson-Odoinnig zarbasidan keyin ajoyib seyv qila oldi, ammo keyin xatoga yo‘l qo‘ydi va yaqin ustuni orqali gol o‘tkazib yubordi.  

Mateus Nunes (5/10):  
O‘ng qanot himoyachisi sifatida yana muvafaqiyatli o‘ynay olmadi. "Siti" yozda Kayl Uokerga o‘rinbosar topishi kerakligi aniq bo‘ldi.

Ruben Diash (6/10):  
Havodagi va markaziy hujumlarda "Forest"ning imkoniyatlarini cheklashda yaxshi o‘ynadi, ammo raqib qanot hujumidan gol urdi.  

Abduqodir Xusanov (6/10):  
Kris Vudni nazorat qilishni uddaladi va to‘p bilan yaxshi harakat qildi.  

Yoshko Gvardiol (5/10):  
Hujumga qo‘shilganda xavfli edi, ammo Hadson-Odoining gol urgan vaziyatida juda passiv harakat qildi.  

Yarim himoya  

Niko Gonsales (4/10):  
Bir necha marta noaniq uzatmalar berdi va juda noaniq zarba yo‘lladi.  

Fil Foden (5/10):  
O‘yinni nazorat qilishga harakat qildi, lekin uzoq masofadan noaniq paslar berdi. Alishtirilganda asabiylashdi, ammo tanqid uchun joy bor edi.  

Bernardu Silva (6/10):  
Birinchi bo‘limda zarbasi noaniq ketdi. Jamoa uchun ko‘p mehnat qildi, ammo himoya chizig‘ini yorib o‘tishga qodir bo‘lmadi.  

Hujumchilar  

Jeremi Doku (6/10):  
"Siti"ning eng faol hujumchisi bo‘ldi, ammo "Forest" himoyachilari uni yaxshi nazorat qilishdi.  

Erling Holand (4/10):  
Birinchi daqiqalarda imkoniyatga ega bo‘ldi, ammo zarbasi noaniq chiqdi. Bundan tashqari, 90 daqiqa davomida deyarli ko‘rinmadi.  

Savinyo (5/10):  
Unga chaqqonlik yetishmadi. Bir necha bor qanotdan harakat qildi, lekin tezda o‘yindan tushib qoldi va ikkinchi bo‘limda Marmushga almashtirildi.