"Barselona" hujumkor yarim himoyachisi Rafinya Kataloniya grandi bilan yangi mehnat shartnomasini imzolashi mumkin. Bu haqda Relevo jurnalistlari xabar bermoqda.
"Ko‘k-anorranglilar" rahbariyati braziliyalik futbolchi uchun maoshi oshadigan shartnoma tayyorlamoqda. Kelishuvdan so‘ng Rafinya jamoaning eng ko‘p maosh oluvchi futbolchilaridan biriga aylanadi.
Tomonlar o‘rtasidagi yangi shartnoma 2030 yil yozigacha mo‘ljallangan bo‘lishi kutilmoqda.
Joriy mavsumda yarim himoyachi 40 ta jangda ishtirok etdi. Rafinya o‘z hisobiga 25 ta gol va 18 ta golli uzatmani yozdirib qo‘ydi. Uning amaldagi shartnomasi 2027 yilning yozida o‘z nihoyasiga yetadi.
