"Барселона" ҳужумкор ярим ҳимоячиси Рафинья Каталония гранди билан янги меҳнат шартномасини имзолаши мумкин. Бу ҳақда Relevo журналистлари хабар бермоқда.
"Кўк-анорранглилар" раҳбарияти бразилиялик футболчи учун маоши ошадиган шартнома тайёрламоқда. Келишувдан сўнг Рафинья жамоанинг энг кўп маош олувчи футболчиларидан бирига айланади.
Томонлар ўртасидаги янги шартнома 2030 йил ёзигача мўлжалланган бўлиши кутилмоқда.
Жорий мавсумда ярим ҳимоячи 40 та жангда иштирок этди. Рафинья ўз ҳисобига 25 та гол ва 18 та голли узатмани ёздириб қўйди. Унинг амалдаги шартномаси 2027 йилнинг ёзида ўз ниҳоясига етади.
