"Bavariya" yarim himoyachisi Joshua Kimmix tez orada klub bilan mehnat shartnomasini uzaytiradi. Bu haqda nufuzli insayder Fabrisio Romano xabar berdi.

Manbaga ko‘ra, barcha hujjatlar imzolashga tayyor. Ta’kidlanishicha, 30 yoshli germaniyalikning "Bavariya" bilan yangi shartnomasi 2029 yilning iyuniga qadar mo‘ljallangan.

Joriy mavsumda Kimmix barcha musobaqalarda 38 ta o‘yin o‘tkazib, bitta gol urdi va 10 ta golli uzatmani amalga oshirdi.

Kimmixning "Bavariya" bilan amaldagi shartnomasi joriy mavsum oxirida yakuniga yetadi. Transfermarkt ekspertlari futbolchining narxini 50 million yevroga baholamoqda.