"Бавария" ярим ҳимоячиси Жошуа Киммих тез орада клуб билан меҳнат шартномасини узайтиради. Бу ҳақда нуфузли инсайдер Фабрицио Романо хабар берди.
Манбага кўра, барча ҳужжатлар имзолашга тайёр. Таъкидланишича, 30 ёшли германияликнинг "Бавария" билан янги шартномаси 2029 йилнинг июнига қадар мўлжалланган.
Жорий мавсумда Киммих барча мусобақаларда 38 та ўйин ўтказиб, битта гол урди ва 10 та голли узатмани амалга оширди.
Киммихнинг "Бавария" билан амалдаги шартномаси жорий мавсум охирида якунига етади. Transfermarkt экспертлари футболчининг нархини 50 миллион еврога баҳоламоқда.
