"Nyukasl" yarim himoyachisi Bruno Gimaraes Ispaniya chempionatiga o‘tishi mumkin, deb xabar bermoqda Todofichajes jurnalistlari.

Manbaga ko‘ra, "Barselona" 27 yoshli futbolchini o‘z safiga qo‘shib olmoqchi. "Blaugrana" braziliyalikni jamoani tark etishi mumkin bo‘lgan Frenki de Yongga o‘rinbosar sifatida ko‘rmoqda. Gimaraesning bozor qiymati 80 million yevroga baholanmoqda.

Angliya Premyer-ligasining joriy mavsumida yarim himoyachi 27 ta o‘yin o‘tkazib, 2 ta gol urdi va 6 ta golli uzatmani amalga oshirdi. Braziliyalik futbolchining shartnomasi 2028 yilning yoziga qadar mo‘ljallangan.