"Ньюкасл" ярим ҳимоячиси Бруно Гимараэс Испания чемпионатига ўтиши мумкин, деб хабар бермоқда Todofichajes журналистлари.
Манбага кўра, "Барселона" 27 ёшли футболчини ўз сафига қўшиб олмоқчи. "Блауграна" бразилияликни жамоани тарк этиши мумкин бўлган Френки де Йонгга ўринбосар сифатида кўрмоқда. Гимараэснинг бозор қиймати 80 миллион еврога баҳоланмоқда.
Англия Премьер-лигасининг жорий мавсумида ярим ҳимоячи 27 та ўйин ўтказиб, 2 та гол урди ва 6 та голли узатмани амалга оширди. Бразилиялик футболчининг шартномаси 2028 йилнинг ёзига қадар мўлжалланган.
