Aleksandr Mitrovich tez yurak urishi tufayli kasalxonaga yotqizilgan.
Xabar qilinishicha, 30 yoshli “Al-Hilol” hujumchisi kecha ertalab shifoxonaga olib ketilgan. Yurak tezligining oshishi stress va charchoq bilan bog‘liq. Shifokorlar unga to‘liq dam olishni tavsiya qilishdi.
Mitrovich avvalroq mushak jarohati tufayli ikki oyni o‘tkazib yuborgan, 7 mart kuni Saudiya Arabistoni chempionati doirasidagi "Al-Fayha"ga (2:0) qarshi o‘yinda safga qaytgan edi. U 23 daqiqani maydonda o‘tkazdi va gol urdi.
Joriy mavsumda serbiyalik hujumchi “Al-Hilol” safida barcha turnirlar doirasida 25 ta o‘yin o‘tkazib, 21 ta gol va 3 ta golli uzatmani amalga oshirdi.













