Александр Митрович тез юрак уриши туфайли касалхонага ётқизилган.
Хабар қилинишича, 30 ёшли “Ал-Ҳилол” ҳужумчиси кеча эрталаб шифохонага олиб кетилган. Юрак тезлигининг ошиши стресс ва чарчоқ билан боғлиқ. Шифокорлар унга тўлиқ дам олишни тавсия қилишди.

Митрович аввалроқ мушак жароҳати туфайли икки ойни ўтказиб юборган, 7 март куни Саудия Арабистони чемпионати доирасидаги "Ал-Файҳа"га (2:0) қарши ўйинда сафга қайтган эди. У 23 дақиқани майдонда ўтказди ва гол урди.

Жорий мавсумда сербиялик ҳужумчи “Ал-Ҳилол” сафида барча турнирлар доирасида 25 та ўйин ўтказиб, 21 та гол ва 3 та голли узатмани амалга оширди.