Angliyaning "Liverpul" klubi yozgi transfer oynasida tarkibni qayta shakllantirishni rejalashtirmoqda. Bu haqda jurnalist Florian Plettenberg o‘zining X (ilgari Twitter) ijtimoiy tarmog‘idagi sahifasida xabar berdi.
Manbaga ko‘ra, jamoani ehtimoliy ravishda tark etadigan futbolchilar quyidagilar: darvozabon Kivin Kellexer, yarim himoyachilar Vataru Endo va Xarvi Elliott, shuningdek hujumchilar Federiko Kyeza va Diogu Jota. Shuningdek, jamoaga bir nechta yangi futbolchi jalb qilinishi kutilmoqda.
Hozirgi vaqtda "Liverpul" Angliya Premyer-ligasi turnir jadvalida birinchi o‘rinni egallab turibdi. Arne Slot boshchiligidagi jamoa 29 ta uchrashuvda 70 ochko jamg‘arib, eng yaqin ta’qibchisidan 15 ochko farq bilan oldinda bormoqda.













