“Sporting” hujumchisi Viktor Dyokeresh yozda Portugaliya klubini tark etishga qaror qildi. Diario Sport xabariga ko‘ra, futbolchi transfer jarayonini muammosiz va tartibli o‘tkazish uchun klub bilan ba’zi tafsilotlarni muhokama qilib bo‘lgan.

Oldin erishilgan kelishuvga ko‘ra, uning 100 million yevro tovon puli faqat qishki transfer oynasi vaqtida amal qiladi. Biroq, agar u mavsum oxirigacha klubda qolsa, yozgi transfer narxi sezilarli darajada arzonlashishiga ham qaror qilingan. Natijada manfaatdor klublar endi uni kamida 65 million yevro va maksimal 75 million yevro evaziga sotib olishlari mumkin.

Muhimi, agar taklif minimal miqdorga to‘g‘ri kelsa, Dyokeresh o‘zining keyingi klubini tanlash huquqiga ega. Uning ustuvorligi Premyer-ligaga qaytish bo‘lishi mumkin.

Joriy mavsumda shved “Sporting” safida barcha turnirlarda 40 ta o‘yinda maydonga tushib, 39 ta gol urdi va 9 ta golli uzatmaga mualliflik qilgan.