"Arsenal"ning Premyer-liga chempionligini qo‘lga kiritish imkoniyati juda past. Londonliklar peshqadam "Liverpul"dan 15 ochko ortda qolmoqda, garchi bir o‘yin kam o‘tkazgan bo‘lsa-da. Matbuot anjumanida "kanonirlar" bosh murabbiyi Mikel Arteta APLda chempionlik poygasi yakunlandimi, degan savolga javob berdi.

"Kurashishda davom etamiz. Har bir o‘yinda g‘alaba qozonish kerak va biz bunga harakat qilamiz. Bu vaziyatda biz qila oladigan yagona narsa shu. Endi bu bizga bog‘liq emas. Ammo hozir biz futbolchilar bilan faqatgina Chempionlar Ligasining ertangi o‘yinini muhokama qilmoqdamiz," - dedi Arteta jurnalistlarga.