"Арсенал"нинг Премьер-лига чемпионлигини қўлга киритиш имконияти жуда паст. Лондонликлар пешқадам "Ливерпуль"дан 15 очко ортда қолмоқда, гарчи бир ўйин кам ўтказган бўлса-да. Матбуот анжуманида "канонирлар" бош мураббийи Микель Артета АПЛда чемпионлик пойгаси якунландими, деган саволга жавоб берди.
"Курашишда давом этамиз. Ҳар бир ўйинда ғалаба қозониш керак ва биз бунга ҳаракат қиламиз. Бу вазиятда биз қила оладиган ягона нарса шу. Энди бу бизга боғлиқ эмас. Аммо ҳозир биз футболчилар билан фақатгина Чемпионлар Лигасининг эртанги ўйинини муҳокама қилмоқдамиз," - деди Артета журналистларга.
