Alan Shirer futbolda "to‘qqizlik" o‘yinchilarning yo‘qolib borayotgani haqida fikr yuritdi.
"Biz buni ancha muhokama qildik: "to‘qqizlik"lar soni juda oz. Menimcha, bu futboldagi kichik taktik o‘zgarishlar bilan bog‘liq.
Biz o‘ynaganimizda har doim ikkita hujumchi bo‘lar, ikki kishi oldinda turardi.
Ularning biri biroz orqaroqqa joylashardi, lekin ular almashib harakat qilgan.
Hozir esa ko‘pchilik jamoalar uchta hujumchi bilan o‘ynashadi, shunday emasmi? Biri chapda, biri o‘ngda, lekin ular endi aslida vingerlar emas, shuning uchun eng yaxshi o‘yinchilar qanotlarda bo‘lishadi.
Misol uchun, Salohni olaylik, hatto Messi ham, Ronaldu ham "to‘qqizlik"ka aylanguncha ancha mashhur bo‘lib qolishgandi", – dedi Shirer.
