Madridning “Atletiko” klubi 1/8 finalda “Real”ga penaltilar seriyasida yutqazib, Chempionlar ligasidan chiqib ketdi.
"Matraschilar" ustozi Diyego Simeone o‘yin haqida fikr bildirdi.
"Biz o‘yinni yaxshi nazorat qildik. Bizda ko‘proq gol urish uchun imkoniyatlar bo‘ldi, ammo so‘nggi bosqichlarda bizga aniqlik yetishmadi.
"Real"da to‘p nazorati bor edi, lekin hech qanday vaziyat yarata olishmadi. O‘ylaymanki, biz ajoyib ish qildik.
Bizda faxrlanish uchun asos bor. Muxlislarimiz o‘yindan zavq olishgan bo‘lsa kerak. "Real" bizni Chempionlar ligasida doim mag‘lub etadi, ammo bu safar biz raqiblarimizni juda ko‘p qiynab qo‘ydik", - dedi Simeone matbuot anjumanida.
