Мадриднинг “Атлетико” клуби 1/8 финалда “Реал”га пенальтилар сериясида ютқазиб, Чемпионлар лигасидан чиқиб кетди.
"Матрасчилар" устози Диего Симеоне ўйин ҳақида фикр билдирди.
"Биз ўйинни яхши назорат қилдик. Бизда кўпроқ гол уриш учун имкониятлар бўлди, аммо сўнгги босқичларда бизга аниқлик етишмади.
"Реал"да тўп назорати бор эди, лекин ҳеч қандай вазият ярата олишмади. Ўйлайманки, биз ажойиб иш қилдик.
Бизда фахрланиш учун асос бор. Мухлисларимиз ўйиндан завқ олишган бўлса керак. "Реал" бизни Чемпионлар лигасида доим мағлуб этади, аммо бу сафар биз рақибларимизни жуда кўп қийнаб қўйдик", - деди Симеоне матбуот анжуманида.
