“Roma” bosh murabbiyi Klaudio Ranyeri “Atletik Bilbao”ga qarshi Yevropa ligasi 1/8 finali doirasidagi bo‘lajak javob o‘yini haqida gapirdi.

O‘tgan haftada rimliklar o‘z uylarida g‘alaba qozonishgan - 2:1. Qarama-qarshilik taqdiri payshanba kuni basklar jamoasi maydonida hal bo‘ladi.

"Bu safar “Atletik” ko‘proq bosim qiladi, ammo biz o‘z kuchimizni bilamiz. Raqibimiz kuchli, chidamli va ixcham jamoa, ammo biz o‘z futbolimizni o‘ynashimiz kerak.

Ertaga bir jamoa bo‘lib hujum qilamiz va himoyalanamiz. O‘zingizning zaif tomonlaringizni yashirish juda muhimdir.

O‘yin davomida ko‘p narsa sodir bo‘lishi mumkin, ammo men bilamanki, "Atletik" o‘tgan haftaga qaraganda ancha faolroq bo‘ladi", - deya Ranyerining so‘zlarini keltiradi TMW.