“Рома” бош мураббийи Клаудио Раньери “Атлетик Бильбао”га қарши Европа лигаси 1/8 финали доирасидаги бўлажак жавоб ўйини ҳақида гапирди.

Ўтган ҳафтада римликлар ўз уйларида ғалаба қозонишган - 2:1. Қарама-қаршилик тақдири пайшанба куни басклар жамоаси майдонида ҳал бўлади.

"Бу сафар “Атлетик” кўпроқ босим қилади, аммо биз ўз кучимизни биламиз. Рақибимиз кучли, чидамли ва ихчам жамоа, аммо биз ўз футболимизни ўйнашимиз керак.

Эртага бир жамоа бўлиб ҳужум қиламиз ва ҳимояланамиз. Ўзингизнинг заиф томонларингизни яшириш жуда муҳимдир.

Ўйин давомида кўп нарса содир бўлиши мумкин, аммо мен биламанки, "Атлетик" ўтган ҳафтага қараганда анча фаолроқ бўлади", - дея Раньерининг сўзларини келтиради ТМW.