"Atletik" o‘z maydonida Yevropa Ligasi 1/8 final javob o‘yinida "Roma"ni mag‘lub etdi - 3:1.
Mezbonlar safida gollarga Niko Uilyams (dubl) va Yuri Berchiche mualliflik qildi. Mehmonlar tarkibida Leandro Paredes penaltini aniq amalga oshirdi. Rimliklar Mats Xummelsning chetlatilishidan keyin 11-daqiqadan boshlab 10 kishi bo‘lib o‘ynashdi.
Hamyurtimiz Eldor Shomurodov 61-daqiqada Paulo Dibala o‘rniga maydonga tushdi.
Birinchi o‘yinda "Roma" 2:1 hisobida g‘alaba qozongandi. Umumiy hisob 4:2 bo‘lib, bask klubi foydasiga hal bo‘ldi.
Yevropa Ligasi 1/4 finalida "Atletik" "Reynjers"ga qarshi maydonga tushadi.
