«Chelsi» Lissabonning «Sporting» klubidan yana bir futbolchini o‘z safiga qo‘shib olmoqchi.
"A Bola" nashrining xabar berishicha, klublar tayanch yarimhimoyachisi Dariu Essuguning transferi bo‘yicha 22 million yevroga kelishuvga erishgan.
Bundan avval London klubi «Sporting»ning vingeri Jeovani Kendani 45-50 million yevroga xarid qilish niyatida ekani haqida xabar berilgan edi.
Joriy mavsumda Essugu «Las-Palmas» jamoasida ijara asosida o‘ynamoqda. U La Ligada 17 ta o‘yin o‘tkazib, 1 ta gol urgan.