«Sporting» klubining o‘ng yarimhimoyachisi Jeovani Kenda faoliyatini «Chelsi»da davom ettiradi, deb xabar bermoqda insayder Fabrisio Romano.

Manba ma’lumotiga ko‘ra, 17 yoshli portugaliyalik futbolchining transfer summasi 51 mln yevroni tashkil qiladi.

Avvalroq xabar berilganidek, vinger kelasi yil London klubiga qo‘shiladi va uning shartnomasi yetti mavsumga mo‘ljallangan bo‘lib, yana bir mavsumga uzaytirish imkoniyati mavjud.

Ma’lum qilinishicha, «Chelsi» futbolchini qo‘lga kiritish borasida «Bavariya» va «Manchester Yunayted»dan ilgarilab ketdi. Ushbu klublar uni yozda o‘z safiga qo‘shib olishga harakat qilmoqchi edi.

Joriy mavsumda hujumchi barcha musobaqalarda 44 ta o‘yinda maydonga tushib, 2 ta gol va 8 ta golli uzatma amalga oshirdi. Uning amaldagi shartnomasi 2027 yil yozigacha mo‘ljallangan. Transfermarkt portali ma’lumotiga ko‘ra, futbolchining bozor qiymati 30 mln yevroni tashkil qiladi.