"Manchester Siti" hujumchisi Omar Marmush Chempionlar Ligasi yo‘llanmasi uchun kurash haqida fikr bildirdi.

Shanba kuni "shaharliklar" o‘z uyida "Brayton" bilan durang o‘ynab (2:2), yana ochko yo‘qotishdi. Xosep Gvardiola jamoasi 48 ochko bilan beshinchi o‘rinda bormoqda va "Chelsi"dan bir ochko ortda qolmoqda. "Aristokratlar"ning 1 ta zaxira o‘yini bor. Undan keyingi o‘rinlarda "Nyukasl" va "Brayton" - 47 ochkodan.

"Bu oson chaqiriq emas, lekin biz qo‘limizdan kelganini qilamiz, bor kuchimiz bilan ishlaymiz. Umid qilamanki, biz bunga erishamiz. Biz o‘zimizning kuchli jihatlarimizni tez-tez namoyish etishimiz, to‘p bilan ishonchliroq harakat qilishimiz va uni yaxshiroq nazorat qilishimiz, umuman olganda, "Manchester Siti" har doim yaxshi bo‘lgan narsalarda muvaffaqiyat qozonishimiz kerak," - deya Marmushning so‘zlarini keltiradi klub matbuot xizmati.