"Bayer" so‘nggi 5 daqiqada ikkita gol urib, "Shtutgart" ustidan 4:3 hisobidagi g‘alabani ilib ketdi.
Bu muvaffaqiyat "Bavariya"ning "Union"ga qarshi o‘yindagi kutilmagan durangidan (1:1) keyin yanada muhim ahamiyat kasb etdi. Bu orqali "Bayer" chempionat tugashiga 8 tur qolganida Bundesliga peshqadami bilan oradagi farqni 6 ochkoga qisqartirdi.
Leverkuzenliklar bosh murabbiyi Xabi Alonso o‘yindan keyin chempionlik poygasi bo‘yicha fikrlari bilan o‘rtoqlashdi.
"Ko‘ramiz. Bundesligada yana 8ta o‘yin qoldi, hamma narsa bo‘lishi mumkin. Biz o‘yindan o‘yinga, g‘alabadan g‘alabaga qarab borishimiz kerak. Hammasi o‘z qo‘limizda emas, kutish kerak, ammo bugungi "Shtutgart"ga qarshi o‘yin muhim bo‘ldi", deydi Alonso.
