"Байер" сўнгги 5 дақиқада иккита гол уриб, "Штутгарт" устидан 4:3 ҳисобидаги ғалабани илиб кетди.
Бу муваффақият "Бавария"нинг "Унион"га қарши ўйиндаги кутилмаган дурангидан (1:1) кейин янада муҳим аҳамият касб этди. Бу орқали "Байер" чемпионат тугашига 8 тур қолганида Бундеслига пешқадами билан орадаги фарқни 6 очкога қисқартирди.
Леверкузенликлар бош мураббийи Хаби Алонсо ўйиндан кейин чемпионлик пойгаси бўйича фикрлари билан ўртоқлашди.
"Кўрамиз. Бундеслигада яна 8та ўйин қолди, ҳамма нарса бўлиши мумкин. Биз ўйиндан ўйинга, ғалабадан ғалабага қараб боришимиз керак. Ҳаммаси ўз қўлимизда эмас, кутиш керак, аммо бугунги "Штутгарт"га қарши ўйин муҳим бўлди", дейди Алонсо.
