"Manchester Siti" yarim himoyachisi Kevin de Bryuyne joriy mavsum yakunlangach jamoasini o‘zgartirishi mumkin. Bu haqda Todofichajes portali sahifalarida ma’lum qilindi.
Manbaga ko‘ra, 33 yoshli belgiyalik xavbek xizmatiga Madridning "Atletiko" klubi qiziqish bildirmoqda. "Matraschilar" yulduz futbolchini tekinga qo‘lga kiritmoqchi, chunki uning "shaharliklar" bilan shartnomasi 2025 yil iyun oyi oxirida tugaydi. Kevin 2015 yildan beri Angliyaning top-klubi safida to‘p tepib kelmoqda.
Yarim himoyachi Angliya Premyer-ligasining joriy mavsumida 20 ta o‘yin o‘tkazdi. De Bryuyne ikkita gol urdi va oltita golli uzatmani amalga oshirdi.
