Germaniya terma jamoasi bosh murabbiyi Yulian Nagelsmann Italiya terma jamoasi ustozi Luchano Spalletti haqidagi savolga javob berdi.
Germaniya terma jamoasi Millatlar ligasi 1/4 finalining dastlabki o‘yinida italiyaliklar mehmoni bo‘ladi va uch kundan so‘ng o‘z uyida "skuadra adzurra"ni qabul qiladi.
Matbuot anjumanida jurnalistlar 37 yoshli Nagelsmandan Italiyadagi yosh murabbiylar va yaqinda 66 yoshga to‘lgan Luchano Spallettiga nisbatan ishonchsizlik haqida so‘rashdi.
"Italiyani bu jihatdan kamroq zamonaviy deb hisoblamayman, biroq, mening fikrimcha, klublar yosh murabbiylarga ko‘proq ishonch bildirishi lozim. Spalletti mendan kattaroq, ammo u ajoyib murabbiy. Ehtimol, kelajakda Italiya terma jamoasiga ham yosh murabbiy boshchilik qilar.
Spallettining futbol haqida aniq tasavvuri bor, u "Napoli"da juda katta muvaffaqiyatlarga erishgan edi. Luchano rahbarligida Italiya terma jamoasi ham yaxshi o‘yin namoyish etmoqda, hujumkor tarzda harakat qilmoqda," deya Nagelsmanning so‘zlarini keltiradi Football Italia.
