"Chelsi"ning o‘ng qanot himoyachisi Ris Jeyms Angliya terma jamoasining yangi bosh murabbiyi Tomas Tuxel haqida qanday fikrda ekanini aytdi.
Tez orada inglizlar germaniyalik murabbiy qo‘l ostida dastlabki o‘yinlarni o‘tkazishadi. 21 mart kuni "uch sherlar" Albaniya terma jamoasi bilan, uch kundan so‘ng esa Latviya bilan to‘qnash kelishadi. Ikkala jang ham 2026 yilgi jahon chempionati saralash bosqichi doirasida bo‘lib o‘tadi.
"Tuxel men bilan ishlagan murabbiylarning eng yaxshisi. Buning turli sabablari bor. U "Chelsi" bilan juda qiyin davrda sovrinlarni qo‘lga kiritdi, o‘shanda buni hech kim kutmagandi," - dedi Jeyms ITV'ga bergan intervyusida.
