Madridning "Real" klubi markaziy himoyachisi David Alaba uzoq vaqtdan beri ilk bor Avstriya terma jamoasida o‘ynashi mumkin.

32 yoshli futbolchi yaqinda og‘ir jarohatini davoladi va Millatlar ligasi doirasida serblar bilan ikki marta o‘ynaydigan avstriyaliklar yig‘iniga yo‘l oldi.

"O‘zimni juda yaxshi his qilyapman, so‘nggi paytlarda formam ancha yaxshilandi. O‘zimga bo‘lgan ishonchni his qilyapman, avvalgi darajamga qayta oldim. O‘zimni tobora yaxshiroq his qilyapman," - dedi Alaba matbuot anjumanida.