Italiya terma jamoasi himoyachisi Rikkardo Kalafiori Millatlar ligasi doirasida Germaniyaga qarshi o‘yin oldidan italiyaliklar yarim finalga chiqishni istashlarini takidladi.
"Biz Millatlar ligasining nimchorak finaliga chiqmoqchimiz. Nemislar har doim o‘ziga ishongan jamoa bo‘lgan, ammo biz ularni yerga tushirishga harakat qilamiz. Har bir o‘yinning o‘ziga xos xususiyatlari bor. Italiya - Germaniya o‘yinlarini hech narsa bilan taqqoslab bo‘lmaydi", - deya Kalafiori so‘zlaridan iqtibos keltiradi UEFA matbuot xizmati.
20 mart, payshanba kuni Italiya va Germaniya terma jamoalari o‘rtasida Millatlar ligasining 1/4 final bosqichi bo‘lib o‘tadi.
