"Milan" yarim himoyachisi Tidjani Reynders Italiya A Seriyasini Angliya Premyer-ligasiga o‘zgartirishi mumkin. Bu haqda Teamtalk xabar bermoqda.

Jurnalistlar ma’lumotiga ko‘ra, xavbek xizmatiga "Manchester Siti" qiziqish bildirmoqda. Angliya top-klubi rahbariyati niderlandiyalik futbolchining yozgi transferlar davrida transferini rasmiylashtirishni rejalashtirmoqda. Reyndersni sotib olish uchun "shaharliklar" 60 million yevro sarflashga tayyor.

Joriy mavsumda yarim himoyachi milanliklar jamoasining 42 ta o‘yinida qatnashib, 13 ta gol urdi va to‘rtta golli uzatmani amalga oshirdi.