Leverkuzenning "Bayer" klubi hujumkor yarim himoyachi Florian Virsni jamoada saqlab qolmoqchi. Bu haqda ijtimoiy tarmoqlar orqali insayder Florian Plettenberg ma’lum qildi.
Jurnalistning so‘zlariga ko‘ra, "dorishunoslar" futbolchiga kamida 2028 yilgacha mo‘ljallangan yangi mehnat shartnomasini taklif qiladi. Bundan tashqari, shartnomada Florianning transferi uchun ma’lum miqdorda tovon puli ko‘rsatiladi.
Virts 2020 yildan beri Leverkuzen klubida o‘ynamoqda, uning amaldagi shartnomasi 2027 yil iyun oyi oxirida tugaydi. Transfermarkt portali futbolchining bozor narxini 140 million yevroga baholamoqda.
