Леверкузеннинг "Байер" клуби ҳужумкор ярим ҳимоячи Флориан Вирцни жамоада сақлаб қолмоқчи. Бу ҳақда ижтимоий тармоқлар орқали инсайдер Флориан Плеттенберг маълум қилди.

Журналистнинг сўзларига кўра, "доришунослар" футболчига камида 2028 йилгача мўлжалланган янги меҳнат шартномасини таклиф қилади. Бундан ташқари, шартномада Флорианнинг трансфери учун маълум миқдорда товон пули кўрсатилади.

Виртц 2020 йилдан бери Леверкузен клубида ўйнамоқда, унинг амалдаги шартномаси 2027 йил июнь ойи охирида тугайди. Transfermarkt портали футболчининг бозор нархини 140 миллион еврога баҳоламоқда.