Germaniyaning "Ayntraxt" klubi hujumchisi Ugo Ekitike "Manchester Yunayted"ni o‘zining sevimli klubi deb atadi.
O‘tgan juma kuni Ekitike Fransiya U-21 terma jamoasining angliyalik tengdoshlariga qarshi o‘yinda (5:3) xet-trik qayd etib, bu mavsumda qoldirayotgan taassurotni yanada kuchaytirdi.
Klub darajasida ham 22 yoshli Ekitike juda yaxshi, u joriy mavsumda "Ayntraxt" safida 18 gol urdi va oltita golli uzatmani amalga oshirdi.
Sky Sport Germany bu mavsum Ekitike uchun Frankfurtdagi oxirgisi bo‘lishini kutmoqda. "Ayntraxt" allaqachon Ugo bilan xayrlashishga tayyorlanmoqda va yosh yulduzi uchun kamida 80 million yevro (67 mln. funt) talab qilmoqchi.
Ekitike Premyer-ligadan, jumladan, "Arsenal"dan jiddiy qiziqish bor, ammo Ugo "Ayntraxt"ning YouTube kanalida har qanday klub haqidagi savolga javob berar ekan, "Yunayted" yoqtirishini aytdi, bu shama sifatida qabul qilinishi mumkin, chunki "qizil iblislar" aynan gol uradigan hujumchiga muhtoj.
