Германиянинг "Айнтрахт" клуби ҳужумчиси Уго Экитике "Манчестер Юнайтед"ни ўзининг севимли клуби деб атади.
Ўтган жума куни Экитике Франция U-21 терма жамоасининг англиялик тенгдошларига қарши ўйинда (5:3) хет-трик қайд этиб, бу мавсумда қолдираётган таассуротни янада кучайтирди.
Клуб даражасида ҳам 22 ёшли Экитике жуда яхши, у жорий мавсумда "Айнтрахт" сафида 18 гол урди ва олтита голли узатмани амалга оширди.
Sky Sport Germany бу мавсум Экитике учун Франкфуртдаги охиргиси бўлишини кутмоқда. "Айнтрахт" аллақачон Уго билан хайрлашишга тайёрланмоқда ва ёш юлдузи учун камида 80 миллион евро (67 млн. фунт) талаб қилмоқчи.
Экитике Премьер-лигадан, жумладан, "Арсенал"дан жиддий қизиқиш бор, аммо Уго "Айнтрахт"нинг YouTube каналида ҳар қандай клуб ҳақидаги саволга жавоб берар экан, "Юнайтед" ёқтиришини айтди, бу шама сифатида қабул қилиниши мумкин, чунки "қизил иблислар" айнан гол урадиган ҳужумчига муҳтож.
