Italiya Superkubogi "to‘rtlik finali" formatini saqlab qoladi.
Janluka Di Marsio saytida ma’lum qilinishicha, Milanda bo‘lib o‘tgan A Seriya klublari yig‘ilishida Italiya Superkubogining amaldagi 4 jamoa ishtirokidagi formatini 2025/26 yilgi mavsumda ham saqlab qolishga qaror qilingan.
Turnirning navbatdagi o‘yinlari qayerda o‘tkazilishi hozircha noma’lum. La Sicilia maqolasiga ko‘ra, Saudiya Arabistoni keyingi to‘rtta turnirdan ikkitasini o‘tkazish bo‘yicha kelishuvga ega va qaysi yillarda mezbonlik qilishini o‘zi tanlashi mumkin. Qaror aprel oyi oxirigacha qabul qilinishi kutilmoqda.
Shu tariqa, kelasi yil Italiya Superkubogida yana A Seriyaning dastlabki ikki jamoasi va Italiya Kubogi finalchilari ishtirok etadi.
