"Atalanta" bosh murabbiyi Jan-Pyero Gasperini "Roma"ni boshqarishi mumkin, deb xabar beradi Corriere dello Sport.
Rim klubi 67 yoshli italiyalikni kelasi mavsumdan jamoaga murabbiylik qilmaydigan Klaudio Ranyeriga ideal o‘rinbosar sifatida belgilab qo‘ygan.
"Roma" allaqachon Rim klubi xo‘jayinining iltimosiga ko‘ra Gasperini bilan bog‘langan. U bilan "Roma" sport direktori Floran Gisolfi va mavsum yakunlanganidan so‘ng klubda ma’muriy lavozimga ega bo‘ladigan Klaudio Ranyeri uchrashdi. Murabbiyga uch yillik shartnoma taklif qilindi.
Biroq, kelishuv hali tuzilmagan. Gasperini o‘ziga taqdim etilgan dasturni yuqori baholadi, ammo xotirjam qaror qabul qilish uchun o‘ylab ko‘rish huquqini o‘zida saqlab qoldi.
